འབྲུག་་་ཙན་དན་བཀོད་པའི་རྒྱལ་ཁབ་ནང་། །དགྲ་ཡི་ཕྱོགས་ལས་རྣམ་པར་རྒྱལ། །
ཆོས་སྲིད་གཉིས་ཀྱི་ལོངས་སྤྱོད་ལྡན།
།
དགའ་བ་འདུག་གོ །སྐྱིད་པ་འདུག་གོ
། སྨན་ལྗོངས་འབྲུག་གི་རྒྱལ་ཁབ་ནང་། །
མངའ་འབངས་བདེ་སྐྱིད་ཉི་མ་ཤར།
།དགའ་ཉམས་སྐྱིད་ཉམས་སྤྲོ་ཉམས་འདུག །
དཔལ་་་མི་དབང་མངའ་བདག་རྒྱལ་པོ་མཆོག
།གདུང་བརྒྱུད་གཏེར་ཆེན་པད་གླིང་བརྒྱུད། །
མི་དབང་འཇིགས་མེད་གེ་སེར་འཁྲུངས།
།
དགའ་བ་འདུག་གོ །སྐྱིད་པ་འདུག་གོ
། མི་དབང་ཆོས་སྐྱིད་རྒྱལ་པོ་མཆོག །
ཐུགས་རྒྱུད་བཟང་བ་བྱང་ཆུབ་སེམས།
། མཛད་སྤྱོད་བཟང་བ་ཕན་བདེ་ཆེ། །
ལུང་་་བསྟན་གྱི་མི་དབང་གེ་སེར་མཆོག
།ན་གཞོན་དགའ་སྤྲོའི་ལོངས་སྤྱོད་དུས། །
བརྒྱུད་འཛིན་ལྔ་པའི་གསེར་ཁྲིར་བྱོན།
།
དགའ་བ་འདུག་གོ །སྐྱིད་པ་འདུག་གོ
།ཁ་བཞི་འབྲུག་པའི་མི་སེར་ལུ། །
རྣམ་པར་དཀར་བའི་ཐུགས་བཞེད་ཀྱིས།
།རིས་མེད་འབངས་རྣམས་བུ་བཞིན་སྐྱོངས། །
ཕྱི་་་རྒྱལ་ཁབ་གཞན་དང་མཐུན་ལམ་མཛད།
།ནང་གི་མི་སེར་བྱམས་ཀྱིས་སྐྱོངས། །
ཡར་རྒྱས་རྩ་བ་གོང་དུ་འཕེལ།
།
དགའ་བ་འདུག་གོ །སྐྱིད་པ་འདུག་གོ
།མི་དབང་ཆོས་ཀྱི་གེ་སེར་མཆོག །
དམ་ཚིག་ཆེ་བའི་འབངས་འཁོར་རྣམས།
།རྗེ་སུ་ཡི་རངས་ཆེ་དགོ་པས།།
འབངས་་་མི་སེར་ཆེ་བ་ཆུང་བ་རྣམས།
།ཐ་དང་དམ་ཚིག་མ་ཆུང་བར། །
རྩ་བ་གསུམ་གྱི་ཕྱག་ཕྱིད་ཞུ།
།
དགའ་བ་འདུག་གོ །སྐྱིད་པ་འདུག་གོ
།སྨན་ལྗོངས་འབྲུག་གི་རྒྱལ་ཁབ་ནང་། །
གཞུང་དང་མི་སེར་མཐུན་ལམ་ཆེ།
།འགྱུར་མེད་བརྟན་ཅིང་འཕེལ་བར་ཤོག །
ཡར་་་དཀོན་མཆོག་གསུམ་གྱི་ཐུགས་རྗེ་གཟིགས།
།རྩ་གསུམ་ལྷ་ཡི་བྱིན་རླབས་ཀྱིས། །
མངའ་འབངས་བདེ་སྐྱིད་ལྡན་པར་ཤོག
།
དགའ་བ་འདུག་གོ །སྐྱིད་པ་འདུག་གོ
། སངས་རྒྱས་བསྟན་པ་དར་བའི་ཡུལ། །
སྡོད་ན་དམ་པའི་ཆོས་དང་མཇལ།
།བདེ་བ་ཐོབ་པའི་རང་དབང་ཡོད། །
འཛོམས་་་མཐའ་དབུས་མེད་པའི་མི་སེར་དང་།
།ཡོན་ཏན་སྦྱངས་མི་ན་གཞོན་ཚུ། །
གསེར་ཁྲིར་མངའ་གསོལ་དུས་སྟོན་ཞུ།
།
དགའ་བ་འདུག་གོ །སྐྱིད་པ་འདུག་གོ
། དགའ་བའི་དགའ་སྟོན་འདི་ནང་ལུ། །
དད་དམ་ཅན་གྱི་འབངས་རྣམས་ཀྱིས།
། སྐུ་ཚེཞབས་པད་བརྟན་སྨོན་ཞུ། །
No comments:
Post a Comment